الى الغربة

...المرة دى أنا باكتب الى الغربة.......غربة اى حد فينا ...الغربة مش شرط تكون بعيد عن وطنك ,حبيبك او انسان معين بس الغربة اللى جواك انت......

يمكن يكون بنا بحور....يمكن يكون بنا مبانى...يمكن يكون البعد غالى ...يمكن ماشوفكش مرة تانى...لكن فى قلبى انت عايش...انت ساكن جوه كيانى...و لو فى يوم حبيت أشوفك,يدوب كده أغمض عيونى...و أفتكر دايما ان انت ساكن عقلى و خيالى

(جميع الحقوق محفوظة)

منك يا دنيا أنا زعلانة

..عفوا...جميع الحقوق محفوظة لهذه المدونة

من حقك

من حقك تحلم و تصدق

من حقك تبكى بدموع

من حقك ترفع رأسك

و تقول أنا مخلوق

من حقك تتمنى تقول

يا سلام لو كنت أكون

يا سلام لو كنت طير

طير يرفرف بين البحور

من حقك ده انت مخلوق

فى ايه يا بلد؟؟

يا بلد فى ايه يا بلد؟

ايه فى شبايك يا بلد؟

شبابك كبروا 100 سنة؟

و لا لسه بيحبوا للصبا؟

شبابك عايشين و لا مش عايشين؟

حاسين و لا مش حاسين؟

حاسين لسه بالأمل؟

و لا الأمل ضاع فى الآلم؟

لو تعرفى....قوللى يا بلد

ليه شبابك اتغيروا كده؟

ليه ضاعت الفضيلة

و نزلت تحت القدم؟

روشنة ديه و لا قلة أدب؟

لو تعرفى قوللى يا بلد؟