غورى يا 2009....و تعالى فى حضنى يا 2010..

مع السلامة ..مع السلامة ..و امشى مش عايزة اشوف وشك تانى يا 2009...ايوه...من اول شهر فيكى و انت شايفه نفسك اوى و نازله تخبيط فينا كلنا و نقولك يا ستى يهديكى ,يرضيكى و انت مافيش فايدة ...اديكى اهوه ماشية و رايحة فى داهية و ما حدش سأل فيكى و لا حتى ندمان عليكى ...من امورك السودة يا طنط 2009...يمكن ساعات قليلة كنت حلوه و بنت ناس بس برده مش بحبك و مش عايزه افتكرك و لو حتى ببلاش...و انت بقى يا مدام 2010 ...هتعملى ايه؟؟ و ناويالنا على ايه؟؟...هتحبينى  و لا هتورينى؟؟...هتفرحينى و لا هتبكينى ؟؟...خايفة منك أنا يا 2010...بس عندى ثقة لو انتى كبيرة فى اللى أكبر منك ...ربنا و هو اللى قادر يهديكى عليا لو فكرتى تبكينى او حتى تزعلينى.....و على فكرة انا متعشمه فيكى خير و حاسة ان احنا ممكن نبقى صحاب حلوين...يالا كفايا عليكى كده لحد ما نشوف هتعملى ايه يا حلوه....